काठमाडौँ – राष्ट्रिय स्वतन्त्र पार्टी (रास्वपा)का सभापति रवि लामिछानेलाई हिरासतमा राख्नको लागि लिइएको ५ दिने म्याद सोमबार सकिएको छ। जिल्ला प्रहरी कार्यालय कास्कीका अनुसार उनलाई आज (मंगलबार) अदालतमा उपस्थित गराई हिरासत म्याद थपको अनुमति माग गरिने भएको छ।

लामिछानेविरुद्ध सम्पत्ति शुद्धीकरण मुद्दामा अनुसन्धान भइरहेको छ। सरकारी वकिल कार्यालयले आगामी पुस ५ गते जिल्ला अदालत कास्कीमा अभियोगपत्र दायर गर्ने तयारी गरिरहेको छ। पूर्वडीआईजी छविलाल जोशीको पक्राउ परेको मितिबाट ९० दिने अनुसन्धान अवधि पुस ५ मा सकिने भएकाले सोही दिन अभियोग पत्र दायर गर्ने योजना बनाइएको हो।

अनुसन्धानमा संलग्न प्रहरी अधिकारीका अनुसार आज लामिछानेलाई थप ४ दिन हिरासतमा राख्न अदालतमा अनुमति मागिनेछ। उनले भने, "५ गतेसम्म हिरासतको म्याद आवश्यक छ। त्यसपछि अदालतको प्रक्रिया अनुसार मुद्दा अगाडि बढ्छ।"

सम्पत्ति शुद्धीकरण मुद्दामा लामिछानेविरुद्ध छानबिन चलिरहेको छ। छविलाल जोशी पक्राउ परेको मितिबाट अनुसन्धानको समय गणना गरिएको छ। यस क्रममा लामिछानेलाई समेत अनुसन्धानको दायरामा ल्याइएको हो।

अब अदालतले हिरासत म्याद थप्ने वा अन्य निर्णय दिने कुरामा सबैको ध्यान केन्द्रित छ। सरकारी वकिल कार्यालयले आरोपपत्र दर्ता गरिसकेपछि मुद्दा औपचारिक रूपमा कानुनी प्रक्रियामा प्रवेश गर्नेछ।