झापा - १ मा एमाले-राप्रपा चुनावी घरदैलो अभियान (तस्बिरहरु)

झापा: झापाको निर्वाचन क्षेत्र नम्बर १ मा नेकपा एमाले र राप्रपाका संयुक्त उम्मेदवारहरुले घरदैलो अभियान संगै कार्यकर्ता भेटघाटलाई तिब्रता दिएका छन्।  यस क्षेत्रमा एमालेको तर्फबाट पुर्व महान्याधिवक्ता अग्नि प्रसाद खरेलले प्रतिनिधिसभामा उम्मेद्वारी दिएका छन् भने प्रदेश सभा अन्तर्गत (क) मा एमालेकै रविन कोइराला चुनावी प्रतिस्पर्धामा छन्  र प्रदेशसभा (ख) मा राष्ट्रिय प्रजातन्त्र पार्टीकी मेचीनगर अध्यक्ष सबिना कटुवाल बजगाईंले उम्मेद्वारी दिएकी छिन्।  
'पहिलो र दोश्रो चरणको घरदैलो अभियान सम्पन्न गरिसकेका छौँ, कार्यकर्ता भेटघाटका चरणहरु पनि सम्पन्न भइसकेका छन्।', बजगाईंले भनिन्।  
तिहार र छैट लगत्तै कार्तिक १८ गते बाट निर्वाचन प्रचारप्रसार अभियानमा तिब्रता आउने बजगाईंको भनाई रहेको छ।