आज प्रतिनिधिसभामा बहुप्रतिक्षित संघीय निजामती विधेयक पेश हुँदै

 

काठमाडौं। संघीय निजामती सेवा विधेयक, २०८० प्रतिनिधि सभामा प्रस्तुत हुने भएको छ ।

संघीय मामिला तथा सामान्य प्रशासन मन्त्री भानुभक्त जोशीले बिहीबारको बैठकमा प्रस्तुत गर्ने कार्यसूची रहेको संघीय संसद सचिवालयले जनाएको हो ।

केही साताअघि मात्रै संघीय निजामती सेवाको गठन, सञ्चालन र सेवाका सर्त सम्बन्धमा व्यवस्था गर्न बनेको विधेयक संघीय संसद सचिवालयमा दर्ता भइसकेको छ । बैठकको सुरुमा नै नेपाल मजदुर किसान पार्टीका सांसद प्रेम सुवालले संघीय निजामती सेवा विधेयक, २०८० लाई प्रस्तुत गर्न अनुमति माग्ने प्रस्तावमाथी राखेको विरोधको सूचनालाई निर्णयार्थ प्रस्तुत गरिने संघीय संसद सचिवालयलका महासचिव पदमप्रसाद पाण्डेले जानकारी दिए ।

प्रतिनिधि सभाको बिहीबारकै बैठकमा निर्माणमुखि सामग्री ९व्यवस्थापन तथा नियमन० विधेयक, २०८० माथी विचार गरियोस भन्ने प्रस्ताव पनि प्रस्तुत हुनेछ । यस्तै आर्थिक वर्ष २०८१ ०८२ को लागि विनियोजन विधेयकका सिद्धान्त र प्राथमिकता सम्बन्धमा 'कर प्रस्ताव' माथी पनि छलफल प्रारम्भ हुने जनाइएको छ ।