सहकारी ठगी प्रकरणको मुद्दामा नेपाल प्रहरीका पूर्व प्रहरी छविलाल जोशी धरौटीमा रिहा
प्रकाशित मिति : माघ ०८ २०८१,मंगलबार
काठमाण्डौ जिल्ला अदालतले जोशीलाई ५० लाख रुपैयाँ धरौटीमा छाड्न आदेश दिएको हो । अदालतका श्रेस्तेदार तीर्थराज भट्टराईले जोशी ५० लाख बैङ्क ग्यारेन्टी बुझाएर हिजो बेलुका रिहा भएको जानकारी दिनुभयो ।
यसअघि जोशीलाई कास्की जिल्ला अदालतले सहकारी ठगी, सङ्गठित अपराध र सम्पत्ति शुद्धीकरण मुद्दामा ८८ लाख रुपैयाँ धरौटीमा छोड्न आदेश दिएको थियो ।
यो प्रकरणमा राष्ट्रिय स्वतन्त्र पार्टी (रास्वपा) का सभापति रवि लामिछाने कास्की अदालतबाट ६५ लाख र काठमाण्डौ जिल्ला अदालतबाट ६० लाख बैङ्क ग्यारेन्टी बुझाएर छुटेका छन् । तर रवि र छविलालविरुद्ध रुपन्देही, चितवन र पर्सामा पनि सहकारी ठगी कसुरमा जाहेरी दर्ता भएको छ ।
यसैबीच पोखराको सूर्यदर्शन सहकारी ठगीको अभियोगमा जिल्ला अदालत कास्कीबाट भएको आदेश बदरको मागसहित सरकारी वकिल कार्यालयले उच्च अदालत पोखरामा निवेदन दर्ता गरेको छ ।
प्रतिक्रिया
