दैलेखको आठबीस नगरपालिकाको पिपलकोटमा चट्याङ लागेर एक जनाको ज्यान गयो
प्रकाशित मिति : भाद्र १३ २०८१,बिहिबार
दैलेख – दैलेखको आठबीस नगरपालिका वडा नम्बर ५ को पिपलकोटमा चट्याङ लागेर एक जनाको ज्यान गएको छ भने एक जना घाइते भएका छन् ।
माझखर्क भन्ने जङ्गलमा हजुरआमासँग गोठाला गएका ३ वर्षीय बालक रोशन बिष्टको ज्यान गएको आठबीस नगरपालिका–५ वडाध्यक्ष बजिरसिंह बिकले जानकारी दिनुभयो ।
हिजो बेलुका चट्याङ लागेर घाइते ४७ वर्षीया कमला बिष्टलाई राकममा प्राथमिक उपचारपछि थप उपचारका लागि गएराति कर्णाली प्रदेश अस्पताल सुर्खेत पुर्याइएको र उपचार भइरहेको छ ।
प्रतिक्रिया
