यस पटकको स्वागत कार्यक्रममा करिब ७० जना नयाँ विद्यार्थीहरूको सहभागिता रहेको थियो। कार्यक्रममा सभापतिको भूमिका रुपेस मुर्मुले निर्वाह गरे भने प्रमुख अतिथिका रूपमा विद्यालयका उप-प्रधानाध्यापक थानेश्वोरी ढकालले कार्यक्रमको औपचारिक उद्घाटन गरे।

स्वागत कार्यक्रममा प्रमुख अतिथि थानेश्वोरी ढकालले आफ्नो मन्तव्यमा विद्यार्थीहरूलाई विद्यालय जीवनको महत्त्व र जिम्मेवारीको बारेमा प्रोत्साहित गर्दै उज्ज्वल भविष्यको शुभकामना व्यक्त गरिन्। उनले नयाँ विद्यार्थीहरूको आगमनले विद्यालयमा नयाँ ऊर्जा र उत्साह थपेको बताइन्।

कार्यक्रमका अन्य अतिथिहरूमा विद्यालयका सबै शिक्षकहरूको उपस्थिति रहेको थियो। विद्यार्थीहरूले विभिन्न नृत्य, गायन, र कविता वाचन गरेर आफ्नो प्रतिभा प्रस्तुत गरे। यस्ता कार्यक्रमले विद्यार्थीहरूको आत्मविश्वास वृद्धि गर्न र विद्यालय जीवनप्रति थप रुचि जगाउन मद्दत गर्ने विश्वास व्यक्त गरियो।

कार्यक्रम सञ्चालन प्रदीप परियारले गरेका थिए। कार्यक्रमले विद्यार्थी, शिक्षक र अभिभावकबीच सुमधुर सम्बन्ध कायम राख्न र विद्यालयको वातावरणलाई अझ सकारात्मक बनाउन सहयोग पुर्याएको छ।

नयाँ विद्यार्थीहरूको स्वागतका लागि हरेक वर्ष आयोजना हुने यस कार्यक्रमले विद्यालय र विद्यार्थीहरूबीचको सम्बन्धलाई सुदृढ बनाउँदै आएको छ।