इंग्लिस क्लब चेल्सीले फिफा क्लब विश्वकपको फाइनलमा स्थान पक्का गर्यो
प्रकाशित मिति : आषाढ २४ २०८२,बुधबार
इंग्लिस क्लब चेल्सीले फिफा क्लब विश्वकपको फाइनलमा स्थान पक्का गरेको छ । मंगलबार राति भएको बेलमा चेल्सीले ब्राजिलको फ्लुमिनेन्सलाई २-० ले हराउँदै फाइनल प्रवेश गरेको हो ।
चेल्सीका लनगि गत साता मात्र ब्राइटनबाट लन्डन क्लब भित्रिएका ब्राजिलियन फरवार्ड जोआओ पेड्रोले दुवै गोल गरे । १८ औं मिनेटमा पेनाल्टी क्षेत्र बाहिरबाट उनले गरेको प्रहार गोल भएको थियो । उनले दोस्रो हाफको ५६ औं मिनेटमा दोस्रो गोल गरे । फ्लुमिनेन्सले अन्त्यतिर पाएका अवसर सदुपयोग गर्न नसक्दा अपराजित यात्रामा पूर्णविराम लाग्यो ।
आज राति हुने दोस्रो सेमिफाइनलमा पेरिस सेन्ट जर्मेन र रियल म्याड्रिड खेल्नेछन् । फाइनल आइतबार हुनेछ ।
प्रतिक्रिया
