गौरादह, झापा — गौरादह नगरपालिकाले किसानहरूको प्राविधिक क्षमता अभिवृद्धि गर्दै बदाम खेतीको प्रवर्द्धन गर्ने उद्देश्यले १ दिने बदाम खेतीसम्बन्धी तालिम तथा निःशुल्क बीउ वितरण कार्यक्रम सञ्चालन गर्ने भएको छ।

नगरपालिकाको कृषि विकास शाखाले आर्थिक वर्ष २०८२/०८३ को स्वीकृत वार्षिक कार्यक्रमअन्तर्गत सञ्चालित बाली प्रदर्शन कार्यक्रम (NAST, NARC र GAC को समन्वयमा) अनुसार कार्यक्रम आयोजना गरिएको जनाएको छ।

कार्यक्रममा सहभागी किसानलाई अधिकतम १० केजीसम्म निःशुल्क बदामको बीउ उपलब्ध गराइनेछ। बदाम खेती गर्न इच्छुक किसानहरूले सूचना प्रकाशित भएको मितिले ३ दिनभित्र अर्थात् असार ५ गतेसम्म कृषि विकास शाखामा आफ्नो नाम दर्ता गराउनुपर्ने नगरपालिकाले जनाएको छ।

तालिम असार ६ गते शनिबार बिहान १०:०० बजेदेखि नमुना एकीकृत सहकारी खेती बीउ उत्पादन समूह, गौरादह–५ मा सञ्चालन हुने जनाइएको छ।

नगरपालिकाले बदाम खेतीमा रुचि भएका किसानहरूलाई समयमै नाम दर्ता गराई कार्यक्रमको लाभ लिन आग्रह गरेको छ।