डाँफे सहकारी दमकको १५ औं साधारण सभा सम्पन्न (तस्बिरहरु)

पर्दाफास/ २०  भदौ २०७९, सोमवार, झापा/ डाँफे सामुदायिक वचत तथा ऋण सहकारी संस्था लि. दमकको साधारण सभा सम्पन्न भएको छ।  संस्थाले आफ्नो १५ औं वार्षिक साधारण सभा विविध कार्यक्रम गर्दै सम्पन्न गरेको हो।  

दमक ८ स्थित कस्मिक पार्टी प्यालेसमा सोमबार एक भव्य कार्यक्रमकाबीच साधारण सभा उद्घाटन गरिएको बताइएको छ।   

दमक–५ स्थित डाँफे बचत तथा ऋण सहकारी संस्थाको १५ औ बार्षिक साधारणसभालाई सोमबार सम्बोधन गर्दै राष्ट्रिय सहकारी संघका केन्द्रिय उपाध्यक्ष रमेश पोख्रेलले  समाज रुपान्तरणमा सहकारीको भूमिका महत्वपूर्ण रहेको बताएका छन् ।

 उपाध्यक्ष पोख्रेलले मुलुकका हरेक क्षेत्रमा रहेका नागरिकहरुलाई समेटेर स्थापित सहकारी क्षेत्रले आर्थिक उपार्जनमा समेत महत्वपूर्ण योगदान गरिरहेको बताए।

सहकारीको मूल्य र मान्यता अनुसार सहकारीहरु चल्न आवश्यक रहेको बताउदै उनले  सहकारीहरुले अब संख्यात्मक भन्दा समान उद्देश्य र प्रकृति मिल्ने सहकारीहरुबीच एकिकरण हुदै प्रभाबकारी रुपमा गुणात्मक प्रतिफल दिन अवश्यक रहेको बताए ।

संस्थाका अध्यक्ष तुलाराम न्यौपानेको सभापतित्वमा सम्पन्न कार्यक्रममा झापा जिल्ला सहकारी संघका सदस्यहरु गणेश ढकाल र प्रेम कोइरालाले सुभकामना मन्तव्य राखेका थिए।  

संस्था उपाध्यक्ष सन्तोष कुमार श्रेष्ठले स्वागत मन्तव्य राखेको कार्यक्रमको संचालन संस्थाका सचिव लिलानाथ खनालले गरेका थिए।